17 di juni 1996 Stichting Monumentenfonds Aruba (SMFA) a keda funda cu e meta principal di adkiri y maneha monumentonan y tambe tabata fungi como e instituto financiero pa cu restauracion di edificionan monumental.

E prome edificio monumental cu a bira propiedad di SMFA tabata e edificio di Stadhuis/ Censo .
Actualmente e fundacion ta conta cu diesun edificio y tambe cinco obheto cual ta percura pa nan mantencion.

Entre otro ; Watertoren San Nicolas y Playa, Huisje Wild, Casita Hel , Edificio Henriquez, Edificio di Scol 1888, Botica Aruba, Nicolaas Store y California Lighthouse ta monumentonan importante di Aruba cual ta propiedad di e fundacion. Despues di nan restauracion a y ta duna e edificionan aki un bida nobo y un funcion nobo.

Den e ultimo añanan a ripara un interes creciente den nos comunidad pa locual ta trata monumentonan  locual a pone cu e fundacion a agrega e ramo di conscientisacion na su metanan. Pa medio di actividadnan recreativo y educacional manera entre otro actividadnan durante nos luna di monumento, informacion na scolnan y proyectonan cu studiantenan di diferente nivel di educacion, ta purba di conecta e comunidad cu nos monumentonan.

E fundacion cu ta consisti di un team di shete persona ta conta tambe cu voluntarionan y partnersnan comercial y gubernamental pa por logra asina nos meta di preserva e pasado pa futuro.

Asina tambe pa por gradici un y tur den cuadro di nos 20 anniversario lo tin un evento pa gradeci nos partnersnan principal cual ta hasi e 20 añanan aki posibel.
Y pa e comunidad henter nos ta invitanan pa dia 25 di September 2016 bin celebra cu SMFA y e partnersnan cultural na nos Fiesta di Cunucu 2016.

Pa mas informacion tocante Stichting Monumentenfonds Aruba y nos actividadnan por subi riba nos website www.monumentenfondsaruba.com of nos pagina di Facebook cual ta Stichting Monumentenfonds Aruba.